Ўзбекистон Республикаси Ҳукумати ва Қозоғистон Республикаси Ҳукумати ўртасида Битим имзоланди
2023-11-09 10:10:00 / Янгиликлар
Тошкентда бўлиб ўтаётган Иқтисодий ҳамкорлик ташкилотининг 16-саммити доирасида Ўзбекистон Республикаси Ҳукумати ва Қозоғистон Республикаси Ҳукумати ўртасида "Марказий Осиё" Саноат кооперацияси халқаро маркази фаолиятини тартибга солиш тўғрисида Битим имзоланди.
Ҳужжатни Ўзбекистон томонидан Ўзбекистон инвестициялар, саноат ва савдо вазири Лазиз Кудратов, Қозоғистон томонидан Қозоғистон томонидан савдо ва интеграция вазири Арман Шаккалиев имзолади.
Марказнинг вазифаларига қуйидагилар киради:
- давлатлараро ҳамкорлик алоқалари ва халқаро қиймат занжирларини ривожлантириш учун қулай шарт-шароитлар яратиш;
- чегара ҳудудлари ишлаб чиқариш базасидан фойдаланиш самарадорлигини ошириш;
- Марказдаги ишлаб чиқариш жараёнларини оптималлаштириш, модернизация қилиш ва саноат корхоналарини рақобатбардошлигини ошириш;
- икки давлат ўртасида саноат кооперациясини кенгайтириш ва импорт ўрнини босувчи маҳсулотлар ишлаб чиқаришни йўлга қўйиш ва бошқалар.