O‘zbekiston–Xitoy hamkorligi: e’tibor – yashil texnologiyalar va investitsiyalar
2025-07-28 18:30:00 / Yangiliklar
28-iyul kuni Tog‘-kon sanoati va geologiya vazirining birinchi o‘rinbosari O.Nasritdinxodjayev rahbarligida Xitoy tadbirkorlarining O‘zbekistondagi Assotsiatsiyasi qoshidagi kompaniyalar vakillari bilan uchrashuv bo‘lib o‘tdi.
Muloqotda Toshkentda o‘tgan Yashil foydali qazilmalar bo‘yicha forum natijalari muhokama qilindi. Xitoy tomoni tadbirni yuqori saviyada tashkil etgani uchun minnatdorchilik bildirib, uning ikki tomonlama aloqalarni mustahkamlashdagi ahamiyatini ta’kidladi.
Uchrashuv davomida xitoylik hamkorlar 500 million dollarlik investitsiya fondi tashkil etish, qo‘shma tadqiqotlar o‘tkazish, ekspert guruhlarini shakllantirish, ekologik standartlarni uyg‘unlashtirish, kadrlar tayyorlash va yashil moliyalashtirishni yo‘lga qo‘yish kabi takliflarni bildirishdi. O‘zbekiston tomoni ushbu tashabbuslarga qiziqish bildirdi.